تحية واحترام لمدرسة التربية الرياضية من محافظة سو هاج مصر.. ياسر ياسين .. (التفاصيل)

متابعة الموعد الجديد العالمية

اللي في الصور ده مدرس تربية رياضية من محافظة سوهاج اسمه ياسر ياسين❤❤

 من كام يوم كان بيدي حصة ألعاب فى حوش المدرسة لطلبة سنة تالتة ابتدائي، وكان من بين الطلبة طالب قعيد من ذوي الاحتياجات الخاصة، لما بدأ الأولاد يمارسوا بعض الألعاب ويدخلوا فى سباقات جري، لاحظ ياسر ان زميلهم اللى كان على “كرسي متحرك” واخد ركن ومنزوي وتبدو على وجهه علامات الحسرة، المدرس ما فكرش كتير وخد محمد وقعد يجري بيه وسط زمايله وخلاه يشاركهم لحظات الفرح والسعادة اللى بيعيشوها، ومن غير ما ياسر يعرف زميل ليه فى المدرسة كان بيصوره من فوق ونشر الفيديو بتاعه على منصات التواصل الاجتماعي، والفيديو نال اعجاب واستحسان ناس كتير .

ياسر بيحكي عن كواليس اللحظة دي وبيقول :«أنا شفت سعادة في عيون محمد لمستني وخلتني أنام سعيد وضميري مرتاح »

تصرف ناس كتير ممكن تشوف بسيط، لكنه قدر يغير نظرة طالب صغير للحياة، وخلاه مبسوط وشخص ايجابي، مش قاعد بعيد منبوذ وواخد ركن.

تحية لمدرس التربية الرياضية الانسان الأستاذ ياسر ياسين..

شخصيات زى الأستاذ ياسر هى اللى تستحق إلقاء الضوء عليها والإشادة بيها لأنها تربى أجيال على المحبة والتعاون و الرحمة والألفة. ❤❤

هو دة النموذج اللي يشرفنا ونفتخر بية هو دة نمبر وان الحقيقي 🤍💙💙🤍💙