الكويت* عاشق جنية / بقلم الاستاذة جهاد سالم

من مكتب الكويت كتبت الاستاذه جهاد سالم. (عاشق جنية)

هواء ومية وشمس
دافية
مستخبية
وعيون عطشانة
لقاء
وحنية
وموج البحر يعلى
شوق
ولهفة
جنية
تحضن حيرة
ووجع
وقلة انسانية
وتغوص بعيد
لتغسل ذنوب البشرية
تلاقيها راجعة
مسافة الليل
لشط
البرية
ترد الامانة
لأصحابها ……
ولا يمكن تعملها
تاني
ولو بحجاب الشعوذية
افرحوا يا بشر
وابعدوا عني
بلاويكوا
……
سيبولي بحري
وموجي ودنيتى
زى ما هي
سيبولي المراكبي بشوقه
وشباكه المخفية
يرميها عليّ
ويغنيلي أغنية
ملهوف على صيده
وحبيبته الجنية
ناسي وراه ناسه
وحاطط على شطه
غيرته
وهدومه
وشبكته
اللي مفكر انها مستخبية
ولمعتها تحت الشمس
في عيني مدبوبة
ومرسومة عليه
الأوانطية
عجبني فيه شوقه
وتضحيته
علشاني
وهو ما يملكش غير جلابية
صياد في بحر
الشوق
رامي شباكه
ومستني جنية

جهادسالم

مصر