مطبخ الموعد الجديد العالمية/ كوجينتنا التونسية … تعالوا اكتشفوا معنا طريقة تحضير البسيسة التونسية بالمكسرات…تخصص تونسي بحت

مكتب تونس كتبت رئيسة التحرير الاعلامية الدكتورةاميرة الرويقي

الكوحينة التونسية
مطبخ الموعد الجديد العالمية

مرحبا بكم قراءنا الاعزاء في كوجينتنا التونسية الحرة

رمضان كريم كل عام وانتم بالف خير

والبخور عامل عجعاجي في شهر سيدي رمضان والتفاخ والنفاخ والقوارص عصباح

العطور الصباحية قدت من شجرة الياسمين نوار الصباح  التونسي العريق الله الله جو تونسي يهبل ومعهم بعد شقان الفطر حفلة السولامية ذكر الله حتى الفجر عند السحور  بالمسرح البلدي بمدينة تونس العريقة عراقة هذا الكون

قولولي عاد مش هذه أجواء  سيدي رمضان ينعاد علينا وعليكم باليمن والمسرات والبركات

أنا نعمل البسيسة  التونسية متاعي في داري .. صنع ايديا وحياة عبنيا

نقدم لكم من تونس الخضراء من المطبخ التونسي الرائع والمميز  والثري عذب المذاق صحي واقتصادي احيانا ههههه
وفي الحلقة الاولى
طريقة تحضير البسيسة التونسية
إختصاص تونسي بحت
وتوة نقدملكم المقادير
قمح
حبة الحلاوة
سكنجبير
تابل
نعناع شايح ( ناشف)
حب البسباس
قرفة
حمص.. كعب
برتقال مرحي ..مبروش
زعتر .. اكليل

قلوب التمر
المكسرات
لوز
جوز
بندق
فستق

بوفريوة

كيفية تحضير البسيسة التونسية الزمنية

التحضير للبسيسةالتونسية
بكل سهولة وببساطة  تقدري سيدتي تجهزي البسيسة متاعك بنفسك في دارك ولا تحتاجين لشرائها من السوق
اذن نضع كل المقادير في الة الميكسير
الحمص  وبعض المكسرات خاصة منها اللوز والبوفريوة  يحتاجون  منا نقليهم
نحمصهم قليلاً في المقلاة

وتكون فيها القليل من الزيت حتى تقدري تقلبيهم  ولا يلتصقون بالمقلاة
ولكن انصحك سيدتي ان لا تتركيهم  برشه في المقلاة
انتهت التقلية . ناتي بالميكسير ونحط فيه كل هذه المقادير المذكورة هنا سابقا
ونضعها بالة الرحى ونبدا رحيها
التوقيت ليس مجددا  فقط حين تتاكدي من أن كل هذه المقادير قد تم رحيهاجيدا جدا
صارت البسيسة متاعنا رطبة جدا نضعها في وعاء نظيف ومهئ لحفظها لمدة كبيرة
كيفية آكل البسيسة التونسية
بعد كل هذه المراحل المذكورة هنا
تقدري تقدميها لكافة العائلة بعد  شقان الفطر ( الإفطار ) في الشهر الفضيل سيدي رمضان
أما تضيفين عليها الماء والسكر وتشرين والعائلة بالهناء والشفاء
أو تقدري تاكلينها مع اطفالك وزوجي
بعدما تخلطيها جيدا جدا في زيت الزيتون
وطبعا تقدري تضيفين عليها القليل من المكسرات وهي أما للزينة في صحاف بلورية جميلة أو صحاف من الفخار

أو طبعا كنت قد اضفتيها مع كل المقادير في قلب الرحى  وبذلك تكون البسيسة بالفواكه الحافة .. المكسرات

ولكن هناك طريقة أخرى بسيسة الشعير  هي نفس بييسة  ولكن مع بعض التغيير ات وهي من دون مكسرات
صحاف الفخار التونسي المزخرفة  والجميلةتضيف البسيسة رونقا وطابعا تونسية مميزا
ونقدم فيها البسيسة التونسية لضيوفنا الكرام بعد شقان الفطر .. الإفطار .. في السهرة كمقبلات
أو حتى السحور تنفع ناكلها في كل وقت وحتى خارج سيدي رمضان
وطبعا هذه الطريقة من صنعي الخاص علمته لي والدتي رحمها الله

وتجدر الإشارة انه كل ولاية من ولايات تونسنا الحبيبة الخضراء لها طريقة خاصة بها  في تحضير البسيسة التونسية ذات  النكهة العذبة المذاق .. صحية .. بنينة برشه.. عريقة واصيلة
طعمة  يعني ههههههه

ومنافعها  يرشه ونقدروا ناكلوها بنزيت الزيتون واو روعااا … لازم تعرفوا عندنا طرق كثيرة ناكل بها بسيستنا التونسية

تقدر تكون زاد وزواد المسافر لمسافات طويلة جدا
ولابد ان أقول ان البسيسة متجذرة في التاريخ التونسي وفي عاداتنا وتقاليدنا الضاربة في القدم وهي عنوان بارز واصيل في حضارتنا التونسية العريقة

تونس الخضراء جدا ثرية في كل شيء
وطبعا  مخزوننا وارثنا الثقافي الحضاري  متنوع وثري

وهذه المرة قدمت لكم واحدة من ابرزاكلاتنا و ثقافتنا بكوجينتنا التونسية( بمطبخنا) الثرية والعريقة

واخيرا نقوللكم نشاءالله عاد عجبتكم بسيستنا التونسية الزمنية العريقة  بنت الأصل اناحبيت اخرج عن المالوف ونقدم واحدة من الاكلات التونسية بلهحتنا التونسية حلوة برشه.. ونلتقي في أكلة تونسية أخرى  وبالتونسي شاهية طيبة وربي يتقبل منكم ومنها صالح الاعمال